UNkulunkulu unakekela uJobe

Usizi lenduduzo empilweni kaJobe

Umuntu elesizungu ehlezi esihlothini sentaba ukhangela khatshana abesebona izimvu lembuzi zakhe esifuleni esikhulu. Amajaha ayahambahamba. Kumele babone ukuthi imihlambi yabo ayilahleki. Kulemihlambi emibili. Izimvu zihamba ngakuleli icele, lembuzi ngakwelinye. Kakulula ukubala zonke lezi zinyamazana, kodwa umuntu ophezu kwentaba ulakho ukuthi azi ukuthi ulezimvu ezingaki lembuzi ezingaki. Zonke zizinkulungwane eziyisikhombisa.

Indoda le isikhangela kwenye indawo. Kulesinye isihotsha, njalo inyamazana ezidla khona lazo ngezakhe. Lezinyamazana zinkulu kulezimvu lembuzi. Ngamakamela. Lalapha kulezisebenzi eziwakhangelayo. Aluba ubungathanda ukubala amakamela ubungeke wenelise, kodwa lindoda enothileyo ephezu kwentaba iyakwazi ukuthi ilamakamela amangaki. Azinkulungwane ezintathu. Masinyazana iyabe ingasawaboni. Aqhubeka elokhu enyamalala esiya khatshana, esedlula ngaphezu kwentaba edinga amadlelo. Inceku zakhe kumele zibone ukuthi alokhe endawonye.

(In samenwerking met (‘Free Presbyterian Chruch of Scotland – Bulawoy, Zinbabwe’)